પાંચ મહિલા સહિત સાત શખ્સો રૂ.૩૪ હજારની રોકડ સાથે ઝડપાયા
શહેરના જંગલેશ્વર પાસે આવેલા નિલકમલ પાર્કમાં મહિલા સંચાલિત જુગાર કલબ ચાલતી હોવાની બાતમીના આધારે ક્રાઇમ બ્રાન્ચના સ્ટાફે દરોડો પાડી જુગાર રમતી પાંચ મહિલા સહિત સાત શખ્સોને રૂ.૩૪ હજારની રોકડ સાથે ધરપકડ કરી છે.
આ અંગેની પોલીસમાંથી પ્રાપ્ત વિગત મુજબ નિલકમલ પાર્કમાં રહેતી અફસાનાબેન ફારૂભાઇ દુમલીયા નામની મહિલા પોતાના ઘરે જુગાર કલબ ચલાવતી હોવાની બાતમીના આધારે ક્રાઇમ બ્રાન્ચના પી.આઇ. એચ.એમ.ગઢવી, પી.એસ.આઇ. બી.ટી.ગોહિલ, કુલદીપસિંહ જાડેજા, જયદીપસિંહ જાડેજા, પ્રદ્યુમનસિંહ ઝાલા, જીજ્ઞેશ મારૂ અને હિરેન્દ્રસિંહ પરમાર સહિતના સ્ટાફે જુગાર અંગે દરોડો પાડયો હતો.
જુગાર રમતી અફસાનાબેન ધુમલીયા, પોરબંદરના ગીગા રાણા કેશવાલા, લોધેશ્વર સોસાયટીના દિનેશ વિજય ઝરીયા, જેતપુરની ગીતાબેન હરેશ ગામી, કિંજલબેન કાળુ ભારદ્વાજ અને પોરબંદરના માલીબેન નાથાભાઇ બાપોદરાની રૂ.૩૪ હજારની રોકડ સાથે ધરપકડ કરી છે.
