સદગુરુ સદન ટ્રસ્ટ દ્વારા તા.૭ને રવિવારના રોજ સંગીતમૈયી શૈલીમાં અખંડ રામચરિત માનસજીનાં પાઠનું ભવ્ય આયોજન કરવામાં આવેલ છે. અખંડશ્રી રામચરિત માનસજીના પાઠ નિમિતે પૂ.સદગુરુદેવ ભગવાનનું સુક્ષ્મપૂજન સવારે ૩:૩૦ વાગ્યે તથા અખંડ રામચરિતમાનસજીના પાઠનો પ્રારંભ સવારે ૪:૦૦ વાગ્યે કરવામાં આવશે. અખંડ શ્રી રામચરિતમાનસ પાઠ નિજ મંદિર હોલમાં કરવામાં આવશે. જેની પૂર્ણાહૂતિ રાત્રે ૧૧:૩૦ કલાકે થશે.
અખંડશ્રી રામચરિત માનસજી પાઠ અબ પ્રભુ કૃપા કરો ઐહી ભાંતિ, સબ તજી ભજન કરૂ દિન-રાતી ના સંપુટ સાથે કરવામાં આવશે. રામચરિત માનસજીનાં પાઠ કરવાનું સદગુરુદેવ ભગવાન રણછોડદાસજીબાપુએ ઘણુ મહત્વ બતાવ્યું છે. રાજકોટનાં તમામ ધર્મપ્રેમીઓ તથા ગુરુભાઈઓ-બહેનોને આ અખંડ સંગીતમય શૈલી પાઠમાં ઉપસ્થિત રહેવા અનુરોધ કરવામાં આવ્યો છે.
