વિદેશી દારૂની ૨૦૪ બોટલ એ કાર મળી રૂ. ૩.૧૪ લાખનો મુદામાલ કબ્જે
શહેરના આનંદનગર પાસે આર.એમ.સી. કોમ્યુનીટી હોલની સામે હુન્ડાઈ કારમાં દારૂનો જથ્થો હોવાની બાતમી ભકિતનગર પોલીસને મળતા દરોડો પાડી કાર કબ્જે કરી તલાશી લેતા તેમાંથી વિદેશી દારૂનો જથ્થો મળી આવ્યો હતો. જયારે કાર ચાલક ભાગી જતા તેની શોધખોળ હાથ દરી છે.
પોલીસસુત્રો પાસેથી પ્રાપ્ત માહિતી મુજબ આનંદનગર પાસે આવેલા આર.એમ.સી. કોમ્યુનીટી હોલની સામે જી.જે. ૧૨ એકે ૬૩૬૩ નંબરની હુન્ડાઈ કારમાં દારૂનો જથ્થો હોવાની બાતમી ભકિતનગર પોલીસને મળતા પીએસઆઈ , પી.એમ.ધાખડા, દિવ્યરાજસિંહ ઝાલા, મહેન્દ્રસિંહ ડોડીયા, પ્રકાશભાઈ વાંક સહિતના સ્ટાફ સ્થળ પર દરોડો પાડતા કાર રેઢી મળી આવી હતી કારની તલાસી લેતા તેમાંથી વિદેશી દારૂની ૨૦૪ બોટલ મળી આવતા દારૂ અને કાર મળી કુલ રૂ. ૩.૧૪ લાખનો મુદામાલ કબ્જે કરી કાર ચાલકની શોધખોળ હાથ ધરી છે.
