રાજયકક્ષાના કલા મહાકુંભના ઉદ્ઘાટન સમારોહ અને વિદ્યા ભારતીના કાર્યક્રમમાં આપશે હાજરી
મુખ્યમંત્રી વિજયભાઈ રૂપાણી ૧૪મીએ રાજકોટ આવવાના છે તેઓ રાજકોટ ખાતે રાજયકક્ષાના કલામહાકુંભના ઉદઘાટન સમારોહ અને વિદ્યા ભારતીના કાર્યક્રમમાં હાજરી આપશે. આજે સાંજે તેઓનું સતાવાર ટાઈમ ટેબલ તૈયાર થશે.
મુખ્યમંત્રી વિજયભાઈ રૂપાણી આગામી તા.૧૪મીએ રાજકોટની મુલાકાતે પધારવાના છે. આ કાર્યક્રમનું સમયપત્રક સતાવાર રીતે આજે સાંજે નકકી થશે. મળતી માહિતી મુજબ તેઓ રાજયકક્ષાના કલામહાકુંભના ઉદઘાટન સમારોહ જે હેમુગઢવી હોલ ખાતે ૧૪મીએ સાંજે ૫:૦૦ કલાકે યોજાનાર છે જેમાં હાજરી આપશે.
રાજયકક્ષાના કલામહાકુંભનું ઉદઘાટન મુખ્યમંત્રી વિજયભાઈ રૂપાણીના હસ્તે થશે ઉપરાંત તેઓ વિદ્યા ભારતી દ્વારા પ્રમુખ સ્વામી ઓડિટોરીયમમાં યોજાનાર કાર્યક્રમમાં પણ ઉપસ્થિતિ આપશે. આ કાર્યક્રમમાં પૂજય અપૂર્વમુનીસ્વામી સહિતના અનેક મહાનુભાવોની પ્રેરક ઉપસ્થિતિ રહેશે.
