આઇઓસીએલ, ગુજરાત રીફાઇનરી ખાતે યોજાયેલી સીઆઇએસએફની ૫મી અખિલ ભારતીય આંતરખંડીય વોલીબોલ સ્પર્ધામાં પૂર્વ ખંડ (ઇએસ) ની ટીમ વિજેતા બની છે. આ સ્પર્ધામાં કેન્દ્રીય ઔદ્યોગિક સુરક્ષા દળના જુદાં જુદાં સેકટર્સની ૯ ટીમોએ ભાગ લીધો હતો. લીગ કમ નોકઆઉટના ધોરણે કુલ ૧૯ મેચીસ રમાઇ હતી. વિજેતાઓ અને ખેલાડીઓને પશ્ચિમ ક્ષેત્ર મુંબઇના ઉપ મહાનિરીક્ષક શ્રી સંજયકુમારે પ્રોત્સાહિત કર્યા હતા.
આ સ્પર્ધાના આયોજનમાં આઇઓસીએલ, જિલ્લા રમતગમત અધિકારીની કચેરીનો સહયોગ મળ્યો હતો. અંતરરાષ્ટ્રીય વોલીબોલ ખેલાડી કુંજન વાળાની ઉપસ્થિતિ ધ્યાનાકર્ષક બની હતી. દેશની અને ઉદ્યોગોની સુરક્ષામાં ખૂબ જ મહત્વપૂર્ણ અને ચાવીરૂપ યોગદાન આપનાર સીઆઇએસએફની હાલમાં સુવર્ણ જયંતીની ઉજવણી થઇ રહી છે તેના ભાગરૂપે આ સ્પર્ધા યોજવામાં આવી હતી.
