ફેસબુક તથા યુ-ટ્યુબ પર લાઈવ નિહાળી શકાશે
વૈશ્વિક ઓળખ બની ચૂકેલા નવરાત્રી મહોત્સવનું ઉજવણી કરવા રાજકોટવાસીઓમાં અનેરો થનગનાટ જોવા મળી રહ્યો છે. આગામી નવરાત્રી મહોત્સવમાં અબતક સુરભી રાસોત્સવ-૨૦૧૮નું જાજરમાન આયોજન કરવામાં આવ્યું છે. જેનું પ્રિ-લોન્ચીંગ આવતીકાલે ઉલ્લાસભર્યા સંગીતમય વાતાવરણમાં થવા જઈ રહ્યું છે.
આવતીકાલે તા.૩૦ને ગુરૂવારે રાત્રે ૯:૦૦ થી ૧૨:૦૦ કલાક દરમિયાન અબતક સુરભી રાસોત્સવનો પ્રિ-લોન્ચીંગ કાર્યક્રમ હેમુગઢવી હોલ ખાતે યોજાશે. જેમાં નાનો ડેરો તરીકે ખ્યાતનામ દેવરાજભાઈ ગઢવી, વંદનાબેન દેવરાજભાઈ ગઢવી, હિના હિરાણી અને રઉફ હાજી સહિતના કલાકારો રમઝટ બોલાવશે.
આ કાર્યક્રમમાં ઝીલ એન્ટરટેઈનમેન્ટનું સંગીત કલારસીકોના હૃદયને ડોલાવશે. જયારે કાલુ ઉસ્તાદની રિધમ લોકોના મનમાં વસી જશે. અબતક સુરભી રાસોત્સવ-૨૦૧૮ના પ્રિ-લોન્ચીંગના સમગ્ર કાર્યક્રમનું લાઈવ પ્રસારણ ‘અબતક સુરભી રાસોત્સવ-૨૦૧૮’ તથા ‘સુરભી કલબ રાજકોટ’ ફેસબુક પેઈઝ પર થશે.
નવરાત્રી મહોત્સવને વૈશ્વિક ઓળખ મળી ચૂકી છે. આધ્યાત્મિક અને સાંસ્કૃતિક વારસાને જાળવવા તથા યુવાધન ઉલ્લાસપૂર્વક તહેવાર ઉજવી શકે તેવા હેતુથી અબતક સુરભી રાસોત્સવનું આયોજન કરવામાં આવ્યું છે.
જેમાં પારિવારીક વાતાવરણ વચ્ચે સુરક્ષાની વ્યવસ્થા ખુબજ અગત્યનો ભાગ ભજવી જશે. આયોજનના ભાગરૂપે આવતીકાલે અબતક સુરભી રાસોત્સવ-૨૦૧૮નો પ્રિ-લોન્ચીંગ કાર્યક્રમ જાજરમાન રીતે હેમુગઢવી હોલ ખાતે યોજાશે.
