કેશોદ પાલીકાની જર્જરીત બિલ્ડીંગનો રવેશ ધરાશાયી: જાનહાની ટળી

કેશોદ નગરપાલીકા જર્જરીત બિલ્ડીંગો અંગે અવાર નવાર આ બિલ્ડીંગનાં વેપારીઓ રજૂઆત કરતા હોય છે. પરંતુ તંત્રના અધિકારીઓનું પેટનું પાણી હલતું નથી. ત્યારે આજે બપોરના સમયે અચાનક શરદચોક વિસ્તારમાં આવેલા નગરપાલીકા વર્ષો જુના બિલ્ડીંગનો રોડ પર આવેલા રવેશ પરની છતનો ભાગ ધરાશાયી થતા ત્યાંથી પસાર થતો રાહદારી સહજમાં આ અકસ્માતથી બચી જવા પામેલ હતો ત્યારે આ જર્જરીત બિલ્ડીંગ કોઈનો ભોગ લે તે પહેલા તેને તોડી પાડવામાં આવશે કે કેમ? તે એક પ્રશ્ર્ન છે.