તાલુકા પોલીસે કાર અને બાઈક મળીને કુલ રૂ. ૧.૭૪ લાખનો મુદામાલ જપ્ત કર્યો
મોરબી તાલુકા પોલીસે ઊંચીમાંડલ રોડ પરથી રૂ. ૨૪ હજારના વિદેશી દારૂના જથ્થા સાથે બે શખ્સોને પકડી પડ્યા હતા. આ સાથે એક બાઇક અને કાર મળીને કુલ રૂ. ૧.૭૪ લાખનો મુદામાલ જપ્ત કર્યો હતો.
પ્રાપ્ત થતી વિગત મુજબ મોરબી નજીક ઊંચી માંડલ રોડ પર વાહનમાં રૂ. ૨૪ હજારની કિંમતની વિદેશી દારૂની ૮૦ બોટલ લઈને જતા મયુર દિલીપભાઇ ફુલતરિયા અને સતીષ દેવાભાઈ ગોલતરને પોલીસે ઝડપી પાડ્યા હતા.
તાલુકા પોલીસે રૂ. ૨૪ હજારની કિંમતનો વિદેશી દારૂ, બાઈક અને કાર મળી કુલ રૂ. ૧.૭૪ લાખનો મુદામાલ જપ્ત કરીને ધોરણસરની કાર્યવાહી હાથ ધરી છે.
