મંગળવારે હેડિંગ્લે મેદાન પર ભારતની હાર બાદ કંઈક એવું થયું કે સનસની મચી ગઈ. મેચ પૂરી થયા બાદ ડ્રેસિંગ રૂમમાં પરત ફરતી વખતે મહેંદ્રસિંહ ધોનીએ અંપાયર પાસેથી વન-ડે મેચનો બોલ લીધો. પછી શું ધોનીના પ્રશંસકોને લાગ્યું કે નિરાશ થયેલો ધોની કોઈ મોટું પગલું ભરશે.
ધોનીનો આ વીડિયો સોશિયલ મીડિયા પર ખૂબ વાયરલ થઈ રહ્યો છે. ચર્ચા છે કે ધોની વન-ડે ફોર્મેટમાંથી નિવૃત્તિ લેશે. તો ઘણા ફેન્સે એ સમજાવવાની કોશિશ કરી કે ધોનીએ અંપાયર પાસેથી બોલ કેમ લીધો. ખરાબ સ્થિતિમાં પણ ટીમ ઈંડિયાને જીત અપવનાર ધોની ઈંગ્લેન્ડ સામેની નિર્ણાયક વન-ડેમાં કોઈ જાદુ ન ચલાવી શક્યો. ધોનીએ ૬૬ બોલમાં ૪૨ જ રન બનાવ્યા. એટલે ટીમ ઈંડિયા કોઈ મોટો ટાર્ગેટ ન આપી શકી. છેલ્લે શાર્દુલ ઠાકુરે બે છગ્ગા મારીને ૧૩ બોલમાં ૨૨ રન બનાવ્યા, જેથી ટીમ ઈંડિયાનો સ્કોર ૨૫૦ને પાર પહોંચી શક્યો.
