એસ.ટી.બસ અને બાઈક ટકરાયા ૧૧ મુસાફરો ઘવાયા
રાજકોટ ભાવનગર ધોરી માર્ગ પર આવલે બાબરા એસ.ટી. પોઈન્ટ પાસે બેકાબુ એસ.ટી.બસની ઠોકરે ચડી જતા વિરનગરના બાઈક ચાલક સહિત બંનેના મોત નિપજયા હતા જયારે એસ.ટી.ના ૧૧ મુસાફરોને નાનીમોટી ઈજા પહોચી હતી.
પોલીસમાંથી પ્રાપ્ત વિગત મુજબ જસદણ તાલુકાના વિરનગર ખાતે રહેતા અરવિંદભાઈ ભીમજીભાઈ ઉ.૫૫ અને દેવશી ભવાનભાઈ ઝાપડીયા ઉ.૪૦ સહિત બંનેને જી.જે.૩એપી ૨૦૩૪ નંબરના બાઈક પરથી બંને બાબરા ગયા હતા.
બંને કામ પતાવી વિરનગર પરત ફરી રહ્યા હતા ત્યારે બાબરા એસ.ટી. સ્ટેન્ડ પાસે પહોચ્યા હતા ત્યાર જી.જે.૧૮ ઝેડ ૨૫૬૬ નંબરની બેકાબુ એસ.ટી.બસ સાથે અકસ્માત સર્જાયો હતો.
આ અકસ્માતમાં ગંભીર રીતે ઘવાયેલ વિરનગરના અરવિંદભાઈ અને દેવશી ઝાપડીયાને ગંભીર ઈજા પહોચતા મોત નિપજયુંં હતુ.જયારે એસ.ટી. બસના ૧૧ મુસાફરો ઘવાતા નજીકની હોસ્પિટલમાં ખસેડવામાં આવ્યા હતા આ બનાવની જાણ બાબરા પોલીસને થતા ટ્રાફીક કલીયર કરી એસ.ટી.ના ચાલક સામે ગુનોનોંધી ધોરણસરની કાર્યવાહી હાથ ધરી છે.
