જીન્સ, ફેશનની દુનિયામાં આ એક એવું વસ્ત્ર છે જે સમયની સાથે પોતાને અપડેટ કરતું રહે છે. તેની ડિઝાઇન અને શૈલી બદલાતી રહે છે, પરંતુ એક વસ્તુ જે તેની હંમેશા ઓળખ રહી છે તે તેના કોપર બટન્સ છે. શું તમે ક્યારેય વિચાર્યું છે કે જીન્સ પર માત્ર કોપર બટન જ શા માટે વપરાય છે? શું આની પાછળ કોઈ ખાસ કારણ છે? તો ચાલો આજે જાણીએ કે કોપર બટનનું નામ જીન્સ સાથે કેવી રીતે જોડાયું અને તેનો ઈતિહાસ શું છે.
જીન્સની શોધ ક્યારે થઈ
જીન્સની શોધનો શ્રેય જેકબ ડેવિસને જાય છે. 19મી સદીના મધ્યમાં, ડેવિસ એક દરજી હતો જેણે ખેતરના કામદારો માટે મજબૂત પેન્ટ બનાવ્યા હતા. તેણે જોયું કે ખેત કામદારોના કપડાં ખૂબ જ ઝડપથી ફાટી જાય છે, ખાસ કરીને ખિસ્સાની આસપાસ. આ સમસ્યાનો ઉકેલ શોધવા માટે, ડેવિસે કોપર રિવેટ્સનો ઉપયોગ કરવાનું શરૂ કર્યું. આ બટન એવી જગ્યાએ મૂકવામાં આવ્યા હતા જ્યાં ફેબ્રિક પર સૌથી વધુ દબાણ હોય, જેમ કે ખિસ્સા અને બટનહોલ્સના ખૂણા પર.
કોપર બટન શા માટે વપરાય છે
કોપર બટનનો ઉપયોગ કરવા પાછળ ઘણા કારણો હતા. તેનું પહેલું કારણ ટકાઉપણું હતું. તેમાં કાટ પણ ઓછો લાગે છે. તેથી કોપર રિવેટ્સ કપડાંને વધુ ટકાઉ બનાવે છે. આ સિવાય કાપડના જુદા જુદા ભાગોને એકસાથે જોડવા અને તેને મજબૂત બનાવવા માટે બટનનો ઉપયોગ કરવામાં આવતો હતો. આનાથી કપડાં ફાટી જવાની શક્યતા ઘટી ગઈ. તદુપરાંત, કોપર બટન માત્ર કપડાંને મજબૂત બનાવતા નથી, પણ તેમને એક અનોખો દેખાવ પણ આપે છે. આ રિવેટ્સ જીન્સને ઔદ્યોગિક અને મજબૂત દેખાવ આપે છે.
કોપર બટન સાથે લેવીનું કનેક્શન શું છે
જેકબ ડેવિસે જીન્સ બનાવવા અને પેટન્ટ મેળવવા માટે લેવીની કંપનીનો સંપર્ક કર્યો. લેવિસની કંપનીને ડેવિસની શોધ ગમી અને પછી લેવિસ અને ડેવિડે મળીને જીન્સનું ઉત્પાદન કરવાનું શરૂ કર્યું. આ પછી, લેવીની કંપનીએ ડેવિસની ડિઝાઇનમાં થોડો ફેરફાર કર્યા બાદ જીન્સ પર કોપર બટન લગાવવાનું શરૂ કર્યું. તમને જણાવી દઈએ કે આજે જીન્સ સિવાયના ઘણા કપડાં પર કોપર બટનનો ઉપયોગ કરવામાં આવે છે. આવા કપડાં હવે ફેશન સ્ટેટમેન્ટ તરીકે ઉભરી આવ્યા છે. જે રફ અને ટફ લુક આપવામાં મદદ કરે છે. ઉપરાંત, આ બટનો ઔદ્યોગિક ક્રાંતિના કામદારોની યાદ અપાવે છે.
