- શું તમે પણ બિલ ગેટ્સની જેમ સફળ થવા ઈચ્છો છો?
- આ ટેવોનું અનુકરણ તમને વ્યક્તિગત વિકાસ અને સફળતા તરફ દોરી જશે
સફળતા એટલે ઇચ્છિત પરિણામોની પ્રાપ્તિ અથવા અનુકૂળ પરિણામ. અત્યારે હાલના સમયમાં લોકો મોટાભાગે બિલ ગેટ્સની જેમ સફળ થવા ઇચ્છતા હોય છે. બિલ ગેટ્સની સફળતા અને પરોપકારી પ્રયાસો ઘણાને પ્રેરણા આપે છે. તેની આદતોમાં વ્યાપક વાંચન, સ્પષ્ટ લક્ષ્યો નક્કી કરવા, ભૂલોમાંથી શીખવું, પરોપકારી પણું અને સરળ છતાં અર્થપૂર્ણ જીવન જીવવાનો સમાવેશ થાય છે. આ ટેવોનું અનુકરણ વ્યક્તિના વ્યક્તિગત વિકાસ અને સફળતામાં ફાળો આપી શકે છે. માઈક્રોસોફ્ટને મોટી સફળતા અપાવવામાં તેની મહેનત હોય કે તેના ફાઉન્ડેશન દ્વારા તેના પરોપકારી કાર્યો હોય, તમામ ક્ષેત્રોમાં ગેટ્સની અસાધારણ સફળતાની નોંધ લેવી ખૂબ પ્રેરણાદાયક છે. ત્યારે જો તમે પણ બિલ ગેટ્સની જેમ સફળ થવા ઇચ્છતા હોય તો તમારે પણ તેમના જીવનમાંથી આ 5 આદતો જડીબુટ્ટી ની જેમ અપનાવવી જોઈએ. જે તમને સફળતાના શિખરો સર કરવામાં મદદ કરશે.
વાંચો, વાંચો અને વાંચો…
વાંચન કરવાથી જીવનમાં એક નવી દિશા મળતી હોય છે. ત્યારે બિલ ગેટ્સ એક ઉત્સુક વાચક છે અને તેઓ વારંવાર તેમના સત્તાવાર બ્લોગ પર તેમની પુસ્તકની સમીક્ષાઓ અને ભલામણો શેર કરે છે. તે વર્ષમાં લગભગ 50 પુસ્તકો વાંચે છે જે તેને તેના જ્ઞાનને વિસ્તૃત કરવામાં, માહિતગાર રહેવા અને તેના સમય કરતાં આગળ રહેવામાં મદદ કરે છે. અને તેથી, વિવિધ પ્રકારના પુસ્તકો જેમ કે—વિજ્ઞાન, વ્યવસાય, કાલ્પનિક અથવા વ્યક્તિગત વિકાસ- વાંચવાની દૈનિક ટેવ કેળવવી તમને એક વ્યક્તિ તરીકે વિકાસ કરવામાં અને વધુ જાણકાર બનવામાં મદદ કરી શકે છે.
સ્પષ્ટ લક્ષ્યાંક નક્કી કરી તેના માટે સખત મહેનત કરો
કોઈ પણ વ્યક્તિએ સફળ થવા માટે પહેલાં પોતાના જીવન માટે એક લક્ષ્યાંક નક્કી કરવું જરૂરી છે તેમજ લક્ષ્યાંક નક્કી કર્યા બાદ તેના માટે સખત મહેનત કરવી પણ જરૂરી છે. બિલ ગેટ્સ પાસે માઇક્રોસોફ્ટ માટે સ્પષ્ટ દ્રષ્ટિ હતી અને તે તેના માટે પ્રતિબદ્ધ રહ્યા. માઇક્રોસોફ્ટને આજે જે કંપની છે તે બનાવવા માટે તેણે વર્ષોથી સખત અને અથાગ મહેનત કરી. તેમની સખત મહેનત, ધ્યાન અને સ્થિતિસ્થાપકતા એવા ગુણો છે જે વ્યક્તિએ તેમની પાસેથી શીખવા જોઈએ અને આપણા જીવનમાં પણ તેનો અભ્યાસ કરી ઉતારવા જોઈએ.
ભૂલોમાંથી શીખો
આલ્બર્ટ આઈન્સ્ટાઈને કહ્યું હતું કે ‘જેણે ક્યારેય ભૂલ કરી નથી તેણે ક્યારેય કંઈ નવું કરવાનો પ્રયાસ કર્યો નથી’ જે લોકો હારવાનો ડર નથી રાખતા તે હંમેશા સફળ થાય છે. કારણ કે જીવન આપણને દરેક વળાંક પર પરાજિત કરે છે અને જે લોકો નિષ્ફળતાથી ડરે છે તે ક્યારેય સફળતા મેળવી શકતા નથી. બિલ ગેટ્સ ઘણીવાર તેમની નિષ્ફળતાઓને સ્વીકારે છે જેણે તેમને મૂલ્યવાન પાઠ પૂરા પાડ્યા છે અને તેમને એક વ્યક્તિ તરીકે વિકાસ કરવામાં મદદ કરી છે. પોતાની નિષ્ફળતાઓ અને ભૂલોને તકો તરીકે સ્વીકારવાથી વ્યક્તિ તેમના કાર્યને સુધારવામાં અને જીવન પ્રત્યેના અભિગમને સુધારવામાં મદદ કરી શકે છે.
પરોપકારી બનો
બિલ ગેટ્સ પણ એક પરોપકારી વ્યક્તિ છે અને તેઓ એવું માને છે કે વાસ્તવિક સુખ સંપત્તિ ભેગી કરવા વિશે નથી, પરંતુ તે અર્થપૂર્ણ અને યોગ્ય પહેલ માટે સંસાધનોનો ઉપયોગ કરવા વિશે છે. અને આ તે સ્થાન છે જ્યાં ગેટ્સ ફાઉન્ડેશન દ્વારા તેની ચેરિટી અમલમાં આવે છે. વર્ષોથી, ગેટ્સ કારણોને સમર્થન આપી રહ્યા છે અને તેમના ફાઉન્ડેશન દ્વારા સમસ્યાઓના ઉકેલો આપવાનો પ્રયાસ કરી રહ્યા છે. આ એક શીખવે છે કે કરકસર બનવું એ હંમેશા સંપત્તિ એકત્ર કરવા વિશે નથી, પરંતુ તે સમાજની સુધારણા માટે નાણાંનો ઉપયોગ કરવા વિશે છે.
સાદુ જીવન અને ઉચ્ચ વિચારના સૂત્રને અપનાવો
સાદુ જીવન અને ઉચ્ચ વિચાર નામની સુક્તિનો અર્થ વ્યક્તિના વ્યક્તિત્વ અને ચરિત્રથી છે.સાદુ જીવન એટલે જરૂરિયાત મુજબની વસ્તુઓનો ઉપયોગ, અને ઉચ્ચ વિચાર એટલે ઉત્તમ વ્યવહાર. ત્યારે તમે શું જાણો છો કે સ્વર્ગસ્થ સ્ટીવ જોબ્સ, માર્ક ઝકરબર્ગ અથવા બિલ ગેટ્સ જેવા અબજોપતિઓ વચ્ચે શું સામાન્ય છે? વેલ આ તમામ અબજોપતિ ટેકીઓ સાદા ડ્રેસિંગના નિયમનું પાલન કરે છે. જો તમે નોંધ્યું હોય, તો બિલ ગેટ્સ ઘણીવાર કોલર્ડ શર્ટ સાથે સાદું વી-નેક સ્વેટર પહેરે છે. અહેવાલો એ પણ સૂચવે છે કે તે અબજોપતિ હોવા છતાં $10 ની ઘડિયાળ પહેરે છે. ખરેખર તો, ગેટ્સ આપણને સાદું જીવન જીવવાનું શીખવે છે અને જીવનમાં ખરેખર મહત્વની હોય તેવી વસ્તુઓમાં રોકાણ કરવાનું શીખવે છે – જેમ કે જ્ઞાન અને સમાજને પાછું આપવું.