ઘટાડેલા અભ્યાસક્રમનો અભ્યાસ કરનાર વિદ્યાર્થીઓ મે-જૂનમાં પરીક્ષા આપશે
સેન્ટ્રલ બોર્ડ ઓફ સેક્ધડરી એજ્યુકેશન (સીબીએસઇ) એ નવા અભ્યાસક્રમ મુજબ, શૈક્ષણિક વર્ષ 2021-22 માટે ધો.9 થી 12ના વર્ગોના વિદ્યાર્થીઓ માટે ગત વર્ષ અપાયેલ સિલેબસની રાહત પરત ખેંચી છે.સી.બી.એસ.ઇ.એ કોવીડ -19 કટોકટી વચ્ચે વિદ્યાર્થીઓના અભ્યાસક્રમનો ભાર ઘટાડવા માટે ગત વર્ષે શૈક્ષણિક વર્ષ 2020-21 માટે 9 થી 12 ના વર્ગ માટે 30 ટકા સુધીના અભ્યાસક્રમમાં રાહત આપવાની વાત કરી હતી. ઘટાડેલા અભ્યાસક્રમનો અભ્યાસ કરનાર વિદ્યાર્થીઓ મે-જૂનમાં પરીક્ષા આપશે.
સીબીએસઇ દ્વારા બહાર પાડવામાં આવેલા નવા અભ્યાસક્રમ અનુસાર, છેલ્લા શૈક્ષણિક વર્ષમાં જે પ્રકરણો અને મુદ્દાઓ કાપવામાં આવ્યા હતા તે આગામી શૈક્ષણિક સત્ર, 2021-22 ના સત્તાવાર અભ્યાસક્રમમાં ફરીથી સ્થાપિત કરવામાં આવ્યા છે.
કોરોનાવાયરસના ફેલાવાને રોકવા માટે દેશવ્યાપી લોકડાઉન પૂર્વે ગયા વર્ષે માર્ચમાં દેશભરની શાળાઓ બંધ કરવામાં આવી હતી.લોકડાઉમ દરમિયાન શિક્ષણ અને શીખવાની પ્રવૃત્તિઓ મુખ્યત્વે ઓનલાઇન કરવામાં આવી હતી. જ્યારે કેટલાક રાજ્યોએ ઓક્ટોબરમાં શાળાઓને આંશિક રીતે ફરીથી ખોલવાની મંજૂરી આપી હતી, ત્યારે ઘણા રાજ્યો ફરીથી નવા શૈક્ષણિક સત્રમાં ઓનલાઇન વર્ગોનો આશરો લઈ રહ્યા છે, જેમાં કોવિડ -19ના કેસોની સંખ્યામાં વધારો થયો છે. સિલેબસ-રેશનિલાઇઝેશન કવાયતમાં, બોર્ડે લોકશાહી અને વિવિધતા, રાષ્ટ્રવાદ, રાષ્ટ્રવાદ, ધર્મનિરપેક્ષતા, તેના પડોશીઓ સાથેના ભારતના સંબંધો અને દેશમાં સ્થાનિક સરકારોના વિકાસ સહિતના પ્રકરણો છોડી દીધા હતા. જો કે, સીઆઈસીએસઇ નવા શૈક્ષણિક સત્ર માટે તેના અભ્યાસક્રમની જાહેરાત કરવાની બાકી છે.
