સોશિયલ મીડિયાનું વાયરલ ‘વાયરસ’ બની ગયું
ઇન્સ્ટાગ્રામના 4,319, ફેસબુકમાં 2,271, 242 નકલી લોન એપ્સ, 33 વોટ્સએપ ગ્રુપ, 30 યુટ્યુબ એકાઉન્ટ્સ, 14 સ્નેપચેટ એકાઉન્ટ્સ અને 120 વિચિત્ર વેબસાઇટ્સને પ્રતિબંધિત કરાઈ
જાન્યુઆરીમાં સેક્સટોર્શનનો ભોગ બનેલી 21 વર્ષીય ભોળી યુવતીએ વલસાડ રેલવે સ્ટેશન પર ટ્રેન નીચે પડતું મુકવાનું વિચાર્યું હતું. સદનસીબે તેણે કબૂલાત કરવા માટે સાયબર હેલ્પલાઈન પર ફોન કર્યો અને તેના કારણે આખરે તેનો બચાવ થયો હતો. યુવતીએ સાયબર હેલ્પલાઇન પર ફોન કરીને કહ્યુ હતું કે, “માફ કરશો સર, મેં મારા માતા-પિતાને નિરાશ કર્યા છે, પરંતુ તે મારી ભૂલ નથી.
કેટલાક પુરુષો અને મહિલાઓ મને કોલ કરી રહ્યા છે… હવે તેઓ 30,000 રૂપિયાની માંગણી કરી રહ્યા છે અને મારી વીડિયો ક્લિપ યુ-ટ્યુબ પર અપલોડ કરવાની ધમકી આપી રહ્યા છે. રાજ્ય સાયબર સેલ સીઆઈડી ક્રાઈમની એક ટીમે કૉલેજના વિદ્યાર્થીનીને પાંચ કલાક સુધી કૉલ પર રોકી રાખ્યા હતા અને ત્યારબાદ યુવતીનો આબાદ બચાવ કરવામાં આવ્યો હતો.
અમારા કાઉન્સેલર કોન્સ્ટેબલ પ્રગ્નેશ પરમારે તેમને ખાતરી આપી કે ગુંડાગીરી એ સેક્સટોર્શન રેકેટનો એક ભાગ છે અને ગુનેગારો પાસે તેની ક્લિપ વાયરલ કરવાનો કોઈ માધ્યમ નથી. સ્થાનિક પોલીસ સમયસર તેને બચાવવામાં સફળ રહી,” સબ-ઇન્સ્પેક્ટર સુનીલ ચૌધરીએ જણાવ્યું હતું.
ગયા વર્ષના માર્ચ મહિનાથી સાયબર સેલ, ગુજરાત સીઆઈડી ક્રાઈમમાં નોંધાયેલી સાયબર ધમકીની 26,658 ફરિયાદોમાંનો આ કેસ એક હતો. એન્ટી સાયબર બુલીંગ હેલ્પલાઈનના ઈન્ચાર્જ પોલીસ અધિકારીઓએ અત્યાર સુધીમાં 15,129 પીડિતો સાથે વાત કરી છે જેથી તેઓને સાઈબર અપરાધીઓ સામે ન આવવા સમજાવી શકાય.
ફરિયાદોમાં નકલી લોન એપ્સ ચલાવનારાઓ દ્વારા પજવણી, સાયબર સ્ટોકિંગ, પરિચિતો અને સંબંધીઓ દ્વારા સાયબર બ્લેકમેલિંગ, બદનક્ષીની ધમકીઓ અને નકલી સોશિયલ મીડિયા પ્રોફાઇલ્સ બનાવવાનો સમાવેશ થાય છે. સીઆઈડીએ સોશિયલ મીડિયામાંથી 7,038 એકાઉન્ટ દૂર કરવાની ભલામણ કરી છે.
એક વર્ષથી ઓછા સમયમાં અમે ઇન્સ્ટાગ્રામ પરથી 4,319 એકાઉન્ટ, ફેસબુકમાંથી 2,271, 242 નકલી લોન એપ્સ અને 33 વોટ્સએપ જૂથો, 30 યુટ્યુબ એકાઉન્ટ્સ, 14 સ્નેપચેટ એકાઉન્ટ્સ અને 120 વિચિત્ર વેબસાઇટ્સને પ્રતિબંધિત કરવામાં સફળ થયા છીએ જેનો ઉપયોગ સાયબર ધમકીઓ માટે કરવામાં આવતો હતો,તેવું ચૌધરીએ જણાવ્યુ છે.
ગુજરાત સીઆઈડી ક્રાઈમના ડીવાયએસપી(સાયબરસેલ) બીએમ ટાંકે જણાવ્યું હતું કે, 2,484 સિમ કાર્ડ, જેનો ઉપયોગ સાયબર અપરાધીઓ દ્વારા તેમના પીડિતોને હેરાન કરવા માટે કરવામાં આવ્યો હતો, તે ગુજરાત સીઆઈડી ક્રાઈમની ભલામણને પગલે બ્લોક કરવામાં આવ્યા હતા પરંતુ ગુજરાત સીઆઈડી ક્રાઈમ માટે વધતી જતી ચિંતા એ છે કે નાગરિકો મોબાઈલ-આધારિત એપ્સથી લોન લે છે તે પછી તેઓને થતી હેરાનગતિનો સામનો કરવો પડે છે.
ગયા વર્ષે સપ્ટેમ્બરમાં ઘાટલોડિયા વિસ્તારની એક મહિલાએ આવી જ એક એપમાંથી રૂ. 5,000ની લોન લીધા બાદ લગભગ આત્મહત્યા કરી લીધી હતી. તેણે પરિવારમાં કોઈને લોન વિશે જણાવ્યું ન હતું.
