- રક્તપિતના દર્દીઓ માટે સહયોગ પોસ્ટ ટ્રસ્ટ બન્યું આશ્રયસ્થાન
- આ ટ્રસ્ટમાં 1051 થી વધારે દર્દીઓ સ્વમાનભેર જિંદગી જીવી રહ્યા છે
સાબરકાંઠાના રાજેન્દ્ર નગરમાં સહયોગ પોસ્ટ ટ્રસ્ટમાં મુછાળી મા તરીકે ઓળખાતા સુરેશભાઈ સોનીને પદ્મશ્રી એવોર્ડ અપાતા ખુશી વ્યાપી છે. આમ તો રક્તપિતના દર્દીઓ માટે સહયોગ પોસ્ટ ટ્રસ્ટ એકમાત્ર આશ્રય સ્થાન બન્યું છે. જેમાં હાલના સમયે 1051 થી વધારે દર્દીઓ સ્વમાનભેર જિંદગી જીવી રહ્યા છે. જેનો સંપૂર્ણ શ્રેય સુરેશભાઈ સોની નામના સંચાલકને જાય છે જેઓ તમામ દર્દીઓ માટે મૂછાળી મા બની રહ્યા છે.
આ અંગે વિગતે વાત કરવામાં આવે તો, ગુજરાતના સાબરકાંઠાના રાજેન્દ્ર નગરમાં સહયોગ પોસ્ટ ટ્રસ્ટમાં મુછાળી મા તરીકે ઓળખાતા સુરેશભાઈ સોનીને પદ્મશ્રી એવોર્ડ અપાતા ખુશી વ્યાપી છે આમ તો રક્તપિત ના દર્દીઓ માટે સહયોગ કુષ્ઠ ટ્રસ્ટ એકમાત્ર આશ્રય સ્થાન બન્યું છે જેમાં આજની તારીખે 1051 થી વધારે દર્દીઓ સ્વમાનભેર જિંદગી જીવી રહ્યા છે જેનો સંપૂર્ણ સુરેશભાઈ સોની નામના સંચાલકને જાય છે જેઓ તમામ દર્દીઓ માટે મૂછાળી મા બની રહ્યા છે.
નેશનલ હાઇવે નંબર આઠ ઉપર હિંમતનગર થી શામળાજી હાઇવે પર હિંમતનગર થી 30 કીલોમીટર ના અંતરે આવેલ સહયોગ કુષ્ઠ ટ્રસ્ટ નામની સંસ્થા છેલ્લા 35 વર્ષથી નિરંતર રક્તપિત દિવ્યાંગ તેમજ જેનું કોઈ આધાર ન હોય તેવા અને સમાજ થી તરછોડાયેલા લોકોનુ આધાર સ્તંભ બની રહ્યું છે. સહયોગ કુષ્ઠ ટ્રસ્ટ ની સ્થાપના ૧૯૭૮માં હિંમતનગર નજીક આવેલા રાયગઢ ગામ પાસે હાઇવે ઉપર 31 એકર જગ્યામાં નિર્માણ પામી છે જેમાં સુરેશભાઈ સોની નિરંતર સેવાનો ધોધ વહાવી રહ્યા છે સુરેશભાઈ સોની મૂળ નર્મદા જિલ્લાના સિનોર ગામના વતની છે તેમજ વડોદરામાં પ્રોફેસરની નોકરીમાં જોડાયા બાદ છેવાડાના વ્યક્તિ માટે કંઈક કરી છૂટવાની ભાવના અંતર્ગત જેનું કોઈ નથી તેના માટે પરિવાર સાથે આ કામગીરીમાં જોડાયા છે જે આજની સુધી યથાવત રહેતા કેન્દ્ર સરકાર દ્વારા તેમને પદ્મશ્રી એવોર્ડ અપાયો છે જેના પગલે આજે સુરેશભાઈ સોની સહિત સમગ્ર સહયોગ ટ્રસ્ટ ના પ્રત્યેક સદસ્યોના ચહેરા ઉપર ખુશીની લહેર ફેલાઇ છે.
છેલ્લા 36 વર્ષથી સાબરકાંઠાની ધરતી ઉપર માનવતાની મહેક જગાવનાર સુરેશભાઈ સોની ને આજે જ્યારે કેન્દ્ર સરકાર દ્વારા સેવાની કદરરૂપે પદ્મશ્રી એવોર્ડ એનાયત થયું છે જેની ખુશી સુરેશભાઈ સહિત સમગ્ર સહયોગ પોસ્ટ ટ્રસ્ટમાં દેખાય છે તેમજ લોકો આજે પણ સુરેશભાઈ સોનીને માનવતાના ભગવાન ગણે છે આજે જ્યારે તેમના નામની જાહેરાત પદ્મશ્રી એવોર્ડ માટે કરાય છે ત્યારે સ્થાનિક કક્ષાએ લોકોની સેવાનો અવિરત યજ્ઞ ચલાવનારની સાચા અર્થમાં કદર અને કિંમત થઈ હોય તે પરિવારજનો માની રહ્યા છે.
આમ તો અહિ અંધ, માનસિક બીમાર, રક્તપિત્ત અને રક્તપિત્ત ના પરિજનો, આદીવાસી બાળક, મંદ બુદ્ધિ, સ્કીજોફેનિયા વાળા લોકો મળી કુલ 1050 લોકો અહિ સ્થાઈ થયા છે. તો 32 જેટલી અશક્ત ગાયો નુ પાંજરાપોળ પણ અહિ બનાવ્યુ છે જેમાં જે વ્યક્તિઓ છે તેમણે રોટી કપડા મકાન અને શિક્ષણ તદ્દન મફત મળી રહે છે… તમામ ના ઘર આગળ સંપુર્ણ સ્વચ્છતા તમામ લોકોને બંધ ટાઈમ જમવાનુ અને પાકુ મકાન પણ અહિ બનાવી આપ્યુ છે… અહિ રહીને અનેક વિદ્યાર્થીઓ ઉચ્ચ શિક્ષણ પ્રાપ્ત કરીને નોકરી પણ મેળવી છે અને સારી જગ્યાએ નોકરી પણ મેળવી છે તો અનેક લોકો રક્તપિત્ત માંથી મુક્ત થઈ સારુ જીવન પણ જીવી રહ્યા છે અને એનો શ્રેય માત્ર સુરેશભાઈ સોની ને જ જાય છે
આમ તો અહિ એક સુત્ર ચાલે છે કે અમે સેવા નહિ પણ પ્રેમ કરીએ છીએ અને એ સાર્થક કરી બતાવ્યું છે આ સુરેશભાઈએ અને એટલે સરકારે પણ સુરેશભાઈ ની સેવા જોઈને પદ્મશ્રી એવોર્ડ આપવાની જાહેરાત કરતા સમગ્ર જીલ્લા માં ખુશીનો માહોલ જોવા મળી રહ્યો છે.
