- કેન્દ્રીય તપાસ એજન્સીએ અગાઉ પણ માર્ટિનની 1 હજાર કરોડ રૂપિયાથી વધુની સંપત્તિ જપ્ત કરી હતી
રાજકીય પક્ષોને સૌથી વધુ દાન આપનાર લોટરી કિંગ સેન્ટિયાગો માર્ટિન સામે તપાસ ચાલી રહી છે. જેમાં હવે સામે આવ્યું છે કે તેમની કંપનીનું વાર્ષિક ટર્નઓવર હજારો કરોડ રૂપિયા છે તેમ ઈડી ની તપાસમાં સામે આવ્યું છે. માર્ટિન અને તેની કંપની વિરુદ્ધ 4 એફઆઈઆર લોટરી કિંગ નોંધવામાં આવી છે, તેમાંથી એક મેઘાલય સરકાર દ્વારા પણ કરવામાં આવેલ છે. જેમાં તેણે કથિત ગેરકાયદેસરથી રૂ. 1,500 કરોડના નુકસાનનો દાવો કર્યો હતો. તાજેતરમાં જ ઈડી એ તેના અનેક સ્થળો પર દરોડા પાડ્યા હતા.ત્યારે કોઈમ્બતુર સ્થિત સેન્ટિયાગો માર્ટિન જે ’લોટરી કિંગ’ તરીકે વધુ જાણીતા છે, તેમના લોટરી વ્યવસાયમાંથી વાર્ષિક ટર્નઓવર રૂ. 15,000 કરોડ છે, જે 2014 માં શરૂ થયેલી ઊઉ તપાસમાં સામે આવ્યું છે. આ ઉપરાંત એન્ફોર્સમેન્ટ એજન્સીએ પહેલેથી જ તેની મિલકતો અને અન્ય સંપત્તિઓ જપ્ત કરી છે. માર્ટિન્સ ફ્યુચર ગેમિંગ એન્ડ હોટેલ સર્વિસીસ પ્રાઇવેટ લિમિટેડ, લોટરી વ્યવસાય પાછળની કંપની, 2019 અને 2024 વચ્ચે ચૂંટણી બોન્ડ દ્વારા દાનમાં આપવામાં આવેલા રૂ. 1,368 કરોડ સાથે રાજકીય પક્ષોને એકમાત્ર સૌથી મોટી ફાળો આપનાર હતી. આ ઉપરાંત કેન્દ્રીય તપાસ એજન્સીએ અગાઉ પણ માર્ટિનની 1 હજાર કરોડ રૂપિયાથી વધુની સંપત્તિ જપ્ત કરી હતી.
લોટરી કિંગે પાર્ટીની રૂ. 632 કરોડની કુલ બોન્ડ આવકમાંથી ડીએમકે ને રૂ. 503 કરોડનું યોગદાન આપ્યું હતું. સાથે જ ભાજપ (રૂ. 100 કરોડ), વાયએસઆરસીપી (રૂ. 154 કરોડ) અને કોંગ્રેસ (રૂ. 50 કરોડ) પણ તેમના પરોપકારના અન્ય લાભાર્થીઓમાં હતા. આ ઉપરાંત તપાસમાં વધુમાં જાણવા મળ્યું છે કે માર્ટિને ’ગુનાની આવક’માંથી મિલકતો હસ્તગત કરવા માટે 350 થી વધુ કંપનીઓ અને સ્પેશિયલ પર્પઝ વ્હિકલ શરૂ કરી હતી, જેમાંથી ઘણી મિલકતના વેચાણકર્તાઓને ઇનામ-વિજેતા લોટરી આપીને ખરીદી હતી.તેમના સંબંધીઓ અને મિત્રોને લોટરી વિતરકોની નિમણૂક કરવામાં આવી હતી જેમણે ઈનામ વિજેતા લોટરી રાખી હતી અને બાદમાં, ડ્રો પછી, “થોડા લાખોથી કરોડો” રૂપિયા સુધીના ઈનામોનો દાવો કર્યો હતો. આ લોટરી ન તો લોકોને વેચવામાં આવી હતી કે ન તો કાયદા દ્વારા ફરજિયાત રાજ્ય સરકારને પરત કરવામાં આવી હતી. એજન્સીને ટિકિટના ન વેચાયેલા બંડલના પુરાવા મળ્યા, જેમાં ઇનામ-વિજેતાઓ પણ સામેલ છે. આ સાથે સમગ્ર મામલે ઊઉના તાજેતરના તારણો દર્શાવે છે કે માર્ટિને અટેચ કરેલી સંપત્તિમાંથી ઓછામાં ઓછી બે સંપત્તિઓ વેચી હતી. એજન્સી “ગુનાહિત અધિનિયમ” વિરુદ્ધ કેસ દાખલ કરવાનું વિચારી રહી છે.
આ અંગે એક સૂત્રના જણાવ્યા મુજબ “જો કે ફ્યુચર ગેમિંગની લોટરીઓના વેચાણથી વાર્ષિક ટર્નઓવર રૂ. 15,000 કરોડથી વધુ છે, કંપનીએ ખૂબ જ નાનો નફો જાહેર કર્યો છે.” કંપની મોટાભાગે સિક્કિમ રાજ્યની લોટરીમાં સોદો કરે છે અને તેનું મોટાભાગનું વેચાણ પશ્ચિમ બંગાળ (90% થી વધુ વ્યવસાય), કેરળ (2010 સુધી), પંજાબ, ગોવા અને મહારાષ્ટ્ર સિવાય આવે છે. સિક્કિમ લોટરીમાંથી મળતી કુલ રોકડમાંથી, માર્ટિને તેની આવકના હિસ્સા તરીકે 2014 સુધી રાજ્ય સરકારને વાર્ષિક માત્ર રૂ. 8-10 કરોડ ચૂકવ્યા હતા.
