કેશોદના ખીરસરા ઘેડ ગામે ફૂડ પોઈઝનિંગની ઘટના સામે આવી છે. ગામમાં એક ધાર્મિક કાર્યક્રમમાં યોજાયેલા જમણવાર બાદ 11 જેટલી બાળકીઓને ઉલટીઓ થવા લાગી હતી. બાળકીઓને ફૂડ પોઈઝનિંગ અસર થઈ હતી. જેથી આ તમામ બાળકોને તાત્કાલિક સારવાર માટે હોસ્પિટલમાં ખસેડવામાં આવ્યાં હતા. બીજી તરફ ફૂડ પોઈઝનિંગની ઘટનાની જાણ થતા આરોગ્ય વિભાગની ટીમ પણ દોડતી થઈ હતી અને આરોગ્ય વિભાગ દ્વારા અન્ય બાળકોનું સ્કેનિંગ કરી વધુ તપાસ હાથ ધરવામા આવી છે.
બનાવ અંગે વિગતે વાત કરવામાં આવે તો, કેશોદ તાલુકાનાં ખીરસરા ઘેડ ગામે ધાર્મિક કાર્યક્રમમાં 11 બાળકોને ફ્રૂડ પોઈઝનિંગની અસર થતા તેઓને તાત્કાલીક સારવાર અર્થે હોસ્પિટલ ખસેડવામાં આવ્યા હતા. 7 બાળકોને કેશોદ સરકારી હોસ્પિટલમાં જ્યારે 4 બાળકોને અન્ય સ્થળે સારવાર માટે ખસેડવામાં આવ્યા હતા. આ બાબતની જાણ આરોગ્ય વિભાગને થતા આરોગ્ય વિભાગની ટીમ દ્વારા તાત્કાલીક ધોરણે અન્ય બાળકોની તપાસ હાથ ધરી હતી. ફ્રૂડ પોઈઝનિંગને લઈ તાલુકા આરોગ્ય વિભાગની ટીમ દોડતી થઈ જવા પામી હતી.
આ અંગે વાતચીત કરતા, એક બાળકની માતાએ જણાવ્યું હતું કે, ખીરસરા ઘેડ ગામે વાડી વિસ્તારમાં એક ધાર્મિક કાર્યક્રમ યોજવામાં આવ્યો હતો. જેમાં બાળકીઓ જમવા ગઈ હતી. જ્યાં જમ્યા બાદ બાળકીઓને ઉલટી થવા લાગી હતી. જેથી બાળકીઓને સારવાર માટે કેશોદ હોસ્પિટલમાં લાવવામાં આવ્યાં છે. છ થી સાત દીકરીઓને અહીં કેશોદ હોસ્પિટલ લાવવામાં આવ્યાં છે અને અન્ય બાળકોને પ્રાઇવેટ હોસ્પિટલમાં સારવાર માટે લઈ જવામાં આવી છે.
આ ઉપરાંત કેશોદ સિવિલ હોસ્પિટલના ડૉ. એન.જી ડાભીએ સમગ્ર મામલે જણાવ્યું હતું કે, કેશોદ તાલુકાના ખીરસરા ગામે એક ધાર્મિક કાર્યક્રમમાં 30 જેટલી બાળકીઓનું જમણવાર રાખવામાં આવ્યું હતું. જેમાંથી 11 જેટલી દીકરીઓને જમ્યા બાદ પેટમાં દુખાવો અને ઉલટી થઈ હતી. આ મામલે તાત્કાલિક આરોગ્ય વિભાગની ટીમ દ્વારા સ્થળની મુલાકાત લેવામાં આવી હતી. હાલ જે બાળકીઓને ફૂડ પોઈઝનિંગની અસર થઈ હતી તેને સારવાર માટે કેશોદ હોસ્પિટલમાં લાવવામાં આવી છે. હાલ સાત જેટલી બાળકીઓને કેશોદ સિવિલ હોસ્પિટલ અને અન્ય ચાર બાળકીઓને સારવાર માટે પ્રાઇવેટ હોસ્પિટલ ખસેડવામાં આવી છે. આ મામલે હાલ અન્ય બાળકોનું સ્ક્રિનિંગ આરોગ્ય વિભાગ દ્વારા શરૂ કરવામાં આવી છે.
