વૃધ્ધ માવતરનાં એકના એક પુત્રના મોતથી પરિવારમાં શોક
અકસ્માતનાં બનાવો દિન પ્રતિદિન વધી રહ્યા હોય તેમ કોઠારીયા સોલવન્ટ પાસે ટ્રકની ઠોકરે ઘવાયેલા પીપલાણાના યુવાનનું કમકમાટી ભર્યું મોત નિપજતા પરિવારમાં શોકની લાગણી પ્રસરી છે. આ બનાવ અંગે પોલીસે નોંધ કરી તપાસ હાથ ધરી છે.
પોલીસમાંથી મળતી વિગત અનુસાર મુળ લાઠીના વતની અને હાલ પીપલાણામાં કારખાના માતા પિતા સાથે રહી મજુરી કામ કરતા કમલેશ દિલીપભાઈ ડોડીયા નામનો ૩૩ વર્ષનો લુહાર યુંવાન પીપલાણાથી કેરોસીન લેવા કોઠારીયા સોલવન્ટ જઈ રહ્યો હતો ત્યારે રોડ ક્રોસ કરતી વેળાએ અજાણ્યા ટ્રક ચાલકે યુવાનને હડફેટે લેતા યુવાનનું ઘટના સ્થળે જ મોત નિપજયું હતુ મૃતક બે બહેનોનો એકનોએક ભાઈ અને માતા પિતાનો એકલૌતો પુત્ર હોવાનું જાણવા મળ્યું છે. પોલીસે ટ્રક ચાલક સામે ગુનો નોંધી તપાસ હાથ ધરી છે.
