લગ્નમાં ફોટા પાડવાનો રીવાજ જુનો છે. ફોટોશુટ કરાવવા માટે લોકો ખૂબ ખર્ચો કરતા હોય છે. ડ્રેસિંગથી લઇને લોકેશન સુધીની બાબતોનું ધ્યાન રાખતા હોય છે. પરંતુ કેનેડાના યુવાનનો એક રસપ્રદ કિસ્સો સામે આવ્યો છે. એક યુગલના લગ્ન પછી તરત જ યાદગાર ફોટોશુટની તૈયારીઓ ચાલી રહી હતી. વિક્ટોરિયા પાર્કમાં તળાવના કિનારે દુલ્હો ‘ક્લેટન કુક’ અને તેની દુલ્હન ‘બ્રિટની’ તળાવના બ્રિજ પર ફોટોશુટ કરાવી રહ્યા હતા. એ જ વખતે ક્લેટનની નજર તળાવના પાણીમાં ગઇ કોઇક ડુબી રહ્યું હોય એવું લાગતું હતું. એક બાળક પાણીમાં પડી ગયુ એ જાણીને ફુડે ફોટોશુટ છોડીને સીધી પાણીમાં છલાંગ લગાવી, સુટબુટ પહેર્યા હોવા છતા જ તે પાણીમાં પડ્યો અને બાળકને બાથમાં ઉચકીને કિનારે લઇ આવ્યો શરુઆતમાં દુલ્હન બ્રિટનીને લાગ્યુ કે ક્લેટન કંઇક મજાક કરી રહ્યો છે પણ જ્યારે તેના હાથમાં બાળકને જોયું અને આખી વાત જાણી ત્યારે તે પોતાના નવા-નવાં બનેલા પતિ પર ઓવારી ગઇ. બ્રિટનીએ તે બાળક સાથેનો પોતાના પતિનો ફોટો ખેંચી લીધો અને સોશિયલ મિડિયા પર લખ્યું, વેડિંગ ફોટોશુટ બેસ્ટ ફોટો.
