રાજ્ય સરકારે 20 ડેપ્યુટી કલેક્ટરની સાગમટે બદલી કરી છે. જેમાં વડોદરાના 3 અધિકારી એમ.ડી.ચુડાસમા, એ.આર.ચૌધરી અને એન.એન.માધુનો સમાવેશ કરવામાં આવ્યો છે.તેમાં પ્રાંત ઓફિસર તરીકે હોદ્દો સંભાળનારા એમ.ડી.ચુડાસમાને ગાંધીનગર ખાતે સેટલમેન્ટ કમીશનર એન્ડ ઈન્સપેક્ટર જનરલ ઓફ રજીસ્ટ્રેશન હોદ્દા પર ટ્રાન્સફર અપાઇ છે. આ ઉપરાંત વડોદરાના ડેપ્યુટી ડિસ્ટ્રીક્ટ ઈલેક્શન ઓફિસર એ.આર.ચૌધરીને ખેડબ્રહ્માના ટ્રાઈબલ એરીયા સબપ્લાનના પ્રોજેક્ટ એડમીનીસ્ટ્રેટર તરીકે બદલી કરી મૂકવામાં આવ્યાં છે. જ્યારે ડેપ્યુટી કલેક્ટર (પ્રોટોકોલ) તરીકે ફરજ બજાવતા એન.એન.માધુને ગાંધીનગર ખાતે કમીશનર ઓફ હાયર એજ્યુકેશનના જોઈન્ટ કમિશનર તરીકે અપોઈન્ટ કર્યાં છે.
