મોરબીમાં કરોડોના જીએસટી ચોરી કોભાંડમાં એસઓજી ટીમે અગાઉ આઠ આરોપીને ઝડપી લઈને રિમાન્ડ પર લીધા બાદ વધુ ચાર આરોપીને ઝડપી લેવામાં આવ્યા છે જે ઝડપાયેલા આરોપીને રિમાન્ડની માંગણી સાથે રજુ કરાશે
રાજ્ય વેરા અધકારી દ્વારા પોલીસમાં ૧૭ કરોડથી વધુની જીએસટી ચોરીની નોંધાવેલી ફરિયાદ બાદ બોગસ સિરામિક કંપની ઉભી કરી કરોડોની ચોરી કરનાર આરોપીને ઝડપી લેવા જીલ્લા પોલીસવડાના માર્ગદર્શન હેઠળ એસઓજી પીઆઈ જે એમ આલની ટીમે તપાસ ચલાવી હતી જેમાં આઠ આરોપીને ઝડપી લઈને કોર્ટમાં રજુ કરતા સોમવાર સુધીના રિમાન્ડ પર સોપવામાં આવ્યા હતા રિમાન્ડ દરમિયાન આરોપીના ઘરની જડતી કરી કોમ્પ્યુટર અને લેપટોપ કબજે લેવાયા છે
તો કરોડોના જીએસટી ચોરી કોભાંડમાં એસઓજી ટીમે વધુ ચાર આરોપીને ઝડપ્યા છે જેમાં મયુર ચતુરભાઈ ઉધરેજા રાવળદેવ (ઉ.વ.૨૭) રહે શનાળા રોડ મોરબી, રવિ પટેલ (ઉ.વ.૨૯) રહે રવાપર રોડ મોરબી, રાકેશ પોપટભાઈ ભાટિયા (ઉ.વ.૩૧) રહે ઓમ પાર્ક રવાપર રોડ મોરબી અને હીરેન્દ્ર ઉર્ફે હિરેન દિનેશભાઈ સાણંદીયા (ઉ.વ.૨૮) રહે વેલકમ પાર્ટી પ્લોટ નજીક મોરબી એમ ચાર આરોપીને ઝડપી લઈને રિમાન્ડ મેળવવા તજવીજ આદરી છે
