રાજકોટ ડિસ્ટ્રીકટ સ્વિમીંગ એસોસીએશનનાં નેજા હેઠળ આજથી શહેરનાં કોઠારીયા રોડ સ્વિમીંગપુલ ખાતે સબ જુનિયર અને જુનિયર સ્વિમીંગ ચેમ્પીયનશીપ-૨૦૧૯નો આરંભ થયો છે. રાષ્ટ્રીય કક્ષાની ૩૬મી ગ્લેન્ડમાર્ક સબ જુનિયર અને ૪૬મી ગ્લેન્ડમાર્ક જુનિયર સ્વિમીંગ ચેમ્પીયનશીપ આગામી ૩૦મી જુન સુધી ચાલશે. જેમાંથી ફીના વર્લ્ડ ચેમ્પીયનશીપ-૨૦૧૯ માટે ભારતીય ટીમનું સિલેકશન કરવામાં આવશે. આ સ્પર્ધામાં દેશભરમાંથી ૧૫૦૦થી ૧૭૦૦ ખેલાડીઓ ભાગ લેવા માટે રાજકોટ ખાતે પહોંચી ગયા છે. તરવૈયાઓને નિહાળવા માટે મોટી સંખ્યામાં શહેરીજનો પણ આજે સવારે સ્વિમીંગપુલ ખાતે ઉમટયા હતા.
