સૌરાષ્ટ્ર યુનિવર્સિટી હજુ સાત દિવસ બ્લડ ડોનેશન કેમ્પ ચલાવશે

61

લોકડાઉનમાં લોહીની અછત વચ્ચે

સૌરાષ્ટ્ર યુનિવર્સિટી, પ્રશીલ પાર્ક, ગ્રીન એવન્યુ સહિતની ૧૦ સોસાયટીમાં બે દિવસમાં

એક હજારથી વધુ બોટલ રકત એકત્ર: પાંચ હજાર બોટલ રકત એકત્ર કરવાનો નિર્ધાર

સૌરાષ્ટ્ર યુનિવર્સિટી દ્વારા રાજકોટના થેલેસેમિયા પીડીત તથા અન્ય બીમારીથી પીડીત દર્દીઓની લોહીની જરુરીયાતને પરિપુર્ણ કરવા માટે બ્લડ ડોનેશન કેમ્પનું માઈક્રો પ્લાનિંગથી આયોજન કરવામાં આવેલ હતું. સૌરાષ્ટ્ર યુનિવર્સિટી કેમ્પસ તથા પ્રશીલ પાર્ક સોસાયટી, ગ્રીન એવન્યુ, સંજય વાટીકા સહીતની ૧૦થી વધુ સોસાયટીમાં બ્લડ ડોનેશન કેમ્પનું આયોજન પૂર્ણ થયું છે.

હજુ આગામી ૮ દિવસ સુધી આ કેમ્પ ચાલશે જેમાં ૫૦૦૦ જેટલી બોટલ રક્ત એકત્ર થનાર છે. સૌરાષ્ટ્ર યુનિવર્સિટી ખાતે આજરોજ બ્લડ ડોનેશન કેમ્પમાં ૯૭ બ્લડની બોટલો તેમજ પ્રશીલ પાર્ક સોસાયટીમાં મળીને કુલ અંદાજીત ૧૫૦ બ્લડની બોટલો એકત્રિત કરવામાં આવેલ હતી.

જ્યારે સોમવારે અને આજે થઈ કુલ ૧૦૦૦થી વધુ બોટલ રક્ત એકત્ર થવા પામ્યું છે.આ તમામ બ્લડ ડોનેશન કેમ્પમાં કલમ ૧૪૪ નો ભંગ ન થાય તે પ્રમાણેનું આયોજન કરવામાં આવેલ હતું.

આ પ્રસંગે કુલપતિ ડો.નીતિનભાઈ પેથાણી, ઉપકુલપતિ ડો.વિજયભાઈ દેશાણી, સિન્ડિકેટ સભ્ય  ડો.મેહુલભાઈ રુપાણી, ડો.નેહલભાઈ શુકલ, ડો.ગીરીશભાઈ ભીમાણી, ડો.ભાવીનભાઈ કોઠારી, ડો.ધરમભાઈ કાંબલીયાની વિશેષ ઉપસ્થિતિ અને પ્રો. નીકેશભાઈ શાહ,  ડો. મનીષભાઈ શાહ, ડો. મહેશભાઈ જીવાણી, ડો. નીલેશભાઈ સોની, કર્મચારી રીક્રીએશન ક્લબના મહામંત્રી ઈન્દુભા ઝાલા, હાર્દિક ગોહિલ સહિતના સૌ યુનિવર્સિટી ખાતે ઉપસ્થિત રહ્યા હતા.

પ્રશીલ પાર્ક સોસાયટીમાં આયોજીત કેમ્પમાં ડો.નીલાંબરીબેન દવે, ડો.કલાધરભાઈ આર્ય, ડો.આલોકકુમાર ચક્રવાલ, ડો.એન.કે.ડોબરીયા, કુલસચિવ ડો.રમેશભાઈ પરમાર, હર્ષવર્ધનસિંહ જાડેજા, ધર્મેન્દ્રસિંહ ભગત, મહિરભાઈ કનેરીયા, સુધીરભાઈ રૂપારેલીયા, દેવભાઈ ત્રિવેદી, નયનભાઈ કાલરીયા, મનીષભાઈ જોશી, યશવંતસિંહ રાઠોડ, રમેશભાઈ કોઠારી, પ્રવિણભાઇ પટેલ, મનીષભાઈ ઓઝા, વાજસીભાઈ ઓડેદરા સહિતના ઉપસ્થિત રહ્યા હતા.

Loading...