રિલાયન્સ જિઓ ફોન દિવાળીમાં થશે ડિલીવર

602
technology
technology

રિલાયન્સ જિઓએ તેના બહુ ચર્ચિત જિઓ ફોનની ડિલીવરી શરૂ કરવામાં આવી છે, અને કંપની તરફથી Jio Careએ માહિતી આપી છે કે જે ગ્રાહકોએ ફોનનું પ્રી બુકિંગ કરાવ્યું છે એ તમામને દિવાળી પહેલાં ફોનની ડિલીવરી મળી જશે. Jio Care દ્વારા વિશેષમાં માહિતી આપવામાં આવી છે કે ‘ફોન ડિલીવરી માટે તૈયાર હશે ત્યારે ગ્રાહકને સ્ટોર એડ્રેસ અને પિક-અપ ડેટ આપવામાં આવશે. આ વર્ષે દિવાળીની ઉજવણી 19 ઓક્ટોબરે કરવામાં આવે છે એટલે એ પહેલાં તમામ ગ્રાહકોને ફોન મળી જશે એવો વાયદો કંપની દ્વારા કરવામાં આવ્યો છે.

આ વખતે ડિલીવરી વખતે કંપનીએ જબરદસ્ત સ્ટ્રેટેજી અપનાવી છે. મળતી માહિતી પ્રમાણે આ સસ્તા 4G હેન્ડસેટ્સની ડિલિવરી પહેલા ગ્રામીણ વિસ્તારો અને નાના શહેરોમાં કરવામાં આવશે. રિલાયન્સ જિઓ ફોન ગ્રામીણ અને શહેરી ભારત વચ્ચે ડિજિટલ ગેપને દૂર કરશે અને આ વિસ્તારોમાં પોતાનો હોલ્ડ મજબૂત બનાવશે. માટે પહેલા નાના શહેરો અને ગામડાઓથી શરુઆત કરવામાં આવશે. નોંધનીય છે આ ફોનના બુકિંગ માટે 500 રુપિયા જ જમા કરાવવાના હતા. બાકી 1000 રુપિયા ફોન હાથમાં આવે ત્યારે આપવાના રહેશે. 3 વર્ષ સુધી આ ફોન વાપર્યા પછી કંપની 1500 રુપિયા પાછા આપશે.

જિઓ ફોનનું પહેલી વખત બુકિંગ 24 ઓગસ્ટના રોજ શરૂ કરવામાં આવ્યું હતું. મોટી સંખ્યામાં પ્રી-બુકિંગ થવાને કારણે કંપનીએ પ્રી બુકિંગ બે દિવસમાં જ બંધ કરવું પડ્યું હતું. શરૂઆતમાં 60 લાખથી વધુ લોકોએ જિઓ ફોન માટે પ્રી-બુકિંગ કરાવ્યું છે. કંપનીએ આશા નહોતી કે આટલી મોટી સંખ્યામાં લોકો પ્રી-બુકિંગ કરાવશે. જિઓ ફોનની ડિલીવરી સપ્ટેમ્બરના પહેલા વીકમાં કરવાની વાત કરી હતી, જોકે કંપનીએ પહેલા વીકમાં તેની ડિલીવરી શરૂ નહોતી કરી.

Loading...