દીવ જિલ્લા વહીવટીતંત્રે આ વર્ષે દિવાળી નિમિત્તે યોજાનારા ફટાકડાના વેચાણ માટે માર્ગદર્શિકા જારી કરી છે. દીવ સબ-ડિવિઝનલ મેજિસ્ટ્રેટ દ્વારા સામાન્ય નાગરિકોને અપાયેલી માહિતી મુજબ ફટાકડાના વેચાણ માટે અરજી કરવી ફરજિયાત રહેશે. રસ ધરાવતા વ્યક્તિએ નિયત ફોર્મ-એઇ -૬ માં અરજી કરવાની રહેશે. કલેક્ટર કચેરીના મેજિસ્ટ્રેટ વિભાગમાંથી આવેદનપત્ર મેળવી શકાશે. અરજી રજૂ કરવાની તારીખ ૯ થી ૧૧ નવેમ્બર ૨૦૨૦ છે.દીવમાં આ વખતે ફક્ત . ૧૨ નવેમ્બરથી ૧૫ નવેમ્બર સુધી માત્ર સ્થાયી દુકાનો માં જ ફટાકડા વેચવાની મંજૂરી આપવામાં આવશે. કોઈપણ પ્રકારના અસ્થાયી સ્ટોલને ફટાકડા વેચવાની મંજૂરી આપવામાં આવશે નહીં. જિલ્લા મેજિસ્ટ્રેટ દીવ દ્વારા નિયત લાઇસન્સ ફોર્મ-એલઇ -૬ માં ફટાકડા વેચવાની મંજૂરી આપવામાં આવશે. આ માટે, અરજદારે લાઇસન્સ ફી તરીકે ૫૦૦ / – જમા કરાવવું આવશ્યક છે.
દીવ જિલ્લા વહીવટીતંત્ર દ્વારા જારી કરવામાં આવેલી માહિતી મુજબ કલેકટર કચેરીમાંથી લાયસન્સ લીધા વિના ફટાકડા વેચવા અથવા સંગ્રહ કરવો એ શિક્ષાપાત્ર ગુનો છે, આવું કરનારા સામે તંત્ર દ્વારા કાનૂની કાર્યવાહી કરવામાં આવશે.
