ઓખાનાં દરિયા કિનારાથી ૫૦ નોટીકલ માઈલ દુર સેતા નામની સીપમાં રહેલ ફીલીપાઈન્સ રાઈસ એડલેશન નામાના ૪૨ વર્ષના ખલાસીનું હાઈ બીપી વધી જતા આ શીપનાં કેપ્ટન મુંબઈથી મેડિકલ ઈવાઈકયુશનમાં સંદેશ આપેલ. મુંબઈથી આ સંદેશ ઓખા કોસ્ટગાર્ડ જીલ્લા મુખ્ય મથક ૧૫ને જાણ કરતા ઓખા કોસ્ટગાર્ડની મેડિકલ ટીમ સાથે સેતા સીપ પર પહોંચી ફીલીપાઈન્સનાં દર્દીને પ્રાથમિક સારવાર આપી સિકકા બંદર પર લઈ જઈ ત્યાંથી જામનગર હોસ્પિટલમાં રીફર કરવામાં આવ્યો હતો. અહીં તેમને પુરતી સારવાર મળી રહેતા દર્દીની તબિયત સારી થઈ હતી. આમ ઓખા કોસ્ટગાર્ડની સમય સુચકતાએ ખલાસીની જાન બચી હતી. સેતા જહાજના કેપ્ટને ઓખા ભારતીય તટરક્ષનાં જવાનોનો આભાર માનતા શુભેચ્છા પાઠવી હતી.
