રોડ નહીં, રસ્તા પણ નહીં.. સાઉદી અરેબિયા બનાવશે ‘માણસાઈનું નગર’

સાઉદી અરેબીયાએ એવું શહેર બનાવવાની ઘોષણા કરી છે જ્યાં ન તો ગાડીઓ હશે અને ન તો રસ્તાઓ. આ શહેરને માણસાઈ માટે ક્રાંતિ ગણાવવામાં આવી છે. સાઉદી અરેબિયાના ક્રાઉન પ્રિન્સ મોહમ્મદ બિન સલમાને આ શહેર માટેની યોજના રજૂ કરી છે. હકીકતમાં, સાઉદી અરેબિયા તેલ પરની તેની નિર્ભરતાને સમાપ્ત કરીને નવીનતા તરફ આગળ વધવાનો પ્રયાસ કરી રહ્યું છે અને આ યોજના તેનો એક ભાગ છે. આ શહેરનું બાંધકામ થોડા મહિનામાં શરૂ થશે.


સાઉદી અરેબિયા દ્વારા નિર્માણ પામનારું નવું શહેર 170 કિલોમીટરના ક્ષેત્રમાં ફેલાશે અને તેનું નામ ધ લાઇન રાખવામાં આવશે. તે સાઉદી અરેબિયાના નિઓમ પ્રોજેક્ટનો ભાગ હશે. સાઉદી અરેબિયા નિઓમ પ્રોજેક્ટ પર 500 અબજ અમેરીકન ડોલર (આશરે 36 લાખ કરોડ રૂપિયા) ખર્ચ કરી રહ્યું છે.

લોકો પગપાળા ચાલશે

સાઉદી અરેબિયાએ કહ્યું છે કે, આ ભાવિ શહેરમાં કાર્બન ઉત્સર્જન નહીં થાય. નવા શહેરમાં લોકો પગપાળા ચાલશે અને તે પ્રકૃતિના કિનારે હશે. નવા શહેરમાં લગભગ 10 લાખ લોકો વસવાટ કરશે. 2030 સુધીમાં આ શહેરમાંથી 3 લાખ 80 હજાર નોકરીઓ પણ ઉત્પન્ન થશે. શહેરના ઈન્ફ્રાસ્ટ્રક્ચરના નિર્માણ માટે યુએસ $ 100 થી 200 અબજ ખર્ચ થશે.

આ અનોખા શહેરને સ્થાયી કરવાની યોજના રજૂ કરતી વખતે સલમાને કહ્યું કે આપણે વિકાસ માટે પ્રકૃતિના બલિદાનને કેમ સ્વીકારવું? તેમણે કહ્યું કે આ શહેર માનવતા માટે ક્રાંતિ જેવું હશે. શહેરને એક સમયે 20 મિનિટથી વધુ ચાલવાની જરૂર રહેશે નહીં અને તેની આજુબાજુ અલ્ટ્રા હાઇ સ્પીડ ટ્રાંઝિટ અને ઓટોનોમસ મોબિલિટી સોલ્યુશનની સુવિધાઓ વિકસાવવામાં આવશે.

Loading...