સામગ્રી :
કણિક માટે :
૧ કપ મેંદો
૧ ટેબલસ્પૂન ઘી
મેંદો : વણવા માટે
પૂરણ માટે :
૧/૨ કપ ચણાની દાળ
૩/૪ કપ ગોળ
૨ ટેબલસ્પૂન ખમણેલું સૂકું નાળિયેર
૧ ટીસ્પૂન એલચી પાવડર
૧/૪ ટીસ્પૂન જાયફળ પાવડર
બીજી જરૂરી વસ્તુઓ :
મેંદો : વણવા માટે
ઘી : ચોપડવા માટે
વિધિ :
કણિક માટે :
- એક બાઉલમાં મેંદો અને ઘી મેળવી તેમાં જરૂરી પાણી મેળવી નરમ કણિક તૈયાર કરો.
- આ કણિકને ઢાંકીને ૧૫ મિનિટ માટે બાજુ પર રાખો.
પૂરણ માટે :
- ચણાની દાળને જરૂરી ગરમ પાણીમાં ૨ થી ૩ કલાક પલાળી રાખો.
- તે પછી તેને નીતારી, તેમાં ૧ કપ પાણી મેળવી પ્રેશર કુકરની ૨ સીટી સુધી બાફી લો.
- કુકરનું ઢાંકણ ખોલતા પહેલા તેની વરાળ નીકળી જવા દો.
- દાળ જ્યારે ઠંડી થાય તે પછી તેમાં ગોળ મેળવી તેને મિક્સરમાં ફેરવી સુંવાળું મિશ્રણ તૈયાર કરો
- આમ તૈયાર થયેલા મિશ્રણને માઇક્રોવેવ પ્રુફ પ્લેટમાં કાઢી તેમાં નાળિયેર, એલચી પાવડર અને જાયફળ પાવડર મેળવી સારી રીતે મિક્સ કરી લો. તેને સરખી રીતે પાથરી માઇક્રોવેવમાં ઉંચા તાપ પર ૪ મિનિટ સુધી વચ્ચે દર એક મિનિટે હલાવતા રહી રાંધી લો.
- આમ તૈયાર થયેલા પૂરણના ૬ સરખા ભાગ પાડી બાજુ પર રાખો.
આગળની રીત :
- કણિકના દરેક ભાગને ૧૨૫ મી. મી. (૫”)ના ગોળાકારમાં મેંદાના લોટની મદદથી વણી લો.
- પૂરણનો એક ભાગ તેની મધ્યમાં મૂકી રોટીની બધી બાજુઓ ભેગી કરી, હલકી રીતે દબાવી ફરી તેને ૧૫૦ મી. મી. (૬”)ના ગોળાકારમાં મેંદાના લોટની મદદથી વણી લો.
- એક નૉન-સ્ટીક તવાને ગરમ કરી તેની પર પૂરણપોળીની બન્ને બાજુઓ ગોલ્ડન બ્રાઉન થાય ત્યાં સુધી રાંધી લો.
- દરેક પૂરણપોળી પર થોડું ઘી ચોપડીને તરત જ પીરસો.
