સ્થાનિક સ્વરાજ્યની ચૂંટણીઓ દરમ્યાન મોરબી જિલ્લામાં મતદાન મથકોમાં પરંપરાગત રૂઢી રિવાજ અને સ્થાનીય સંસ્કૃતિના દ્રશ્યો પણ જોવા મળ્યા હતા. જેમાં કોઈક જગ્યાએ લગ્નમાં જતા પહેલા વર-વધુઓએ કે, જાનૈયાઓએ મતદાન કરી પોતાની લોકશાહી પ્રત્યેની નિષ્ઠાવાન ફરજ પુરી કરી હોવાના દ્રષ્ટાંતો સામે આવ્યા હતા.માળીયા (મિ.) તાલુકાના મોટીબરાર ગામે ક્ષત્રિય સમાજના મહિલાઓ મોટેભાગે ઓઝલમાં જ રહેતા હોય છે. પરંતુ આજે જ્યારે લોકશાહીના મહાપર્વમાં સહભાગી થવાની રળિયામણી ઘડી આવી હતી ત્યારે વર્ષો જૂની પરંપરા મુજબ સાથે મહિલાઓ પોતાના માથા પર કાપડનો પડદો ઓઢીને ઘેરથી નીકળી મતદાન મથક સુધી એકસાથે પહોંચી હતી. રૂઢી અને પરંપરાની સાથે ચૂંટણીના મહાઉત્સવનો જાણે ત્રિવેણી સંગમ સર્જાયો હોય તેવા દ્રશ્યો આ પ્રસંગે જોવા મળ્યા હતા. મોટી બરાર ગામના સરપંચે કાનજીભાઈ ડાંગરે જણાવ્યું હતું કે, આ પરંપરા ભારતની આઝાદી મળી તે સમયથી ચાલી આવે છે. જ્યારે આઝાદી બાદ પ્રથમ વખત ભારતીય નાગરિકોને મતદાનનો અધિકાર મળ્યો હતો ત્યારથી ક્ષત્રિય સમાજની મહિલાઓ ઓઝલમાં રહીને પણ પોતાની મતદાનની ફરજ નિભાવતી આવી છે. સ્થાનિક ગ્રામ પંચાયતની ચૂંટણી હોય, સ્થાનિક સ્વરાજ્યની ચૂંટણી હોય કે પછી વિધાનસભા અને લોકસભાની ચૂંટણી હોય તે દરેક ચૂંટણીમાં ક્ષત્રિય પરંપરાની જાળવણી કરીને ક્ષત્રાણી અવશ્ય મતદાન કરે છે.
Trending
- વાંકાનેરનાં દિઘલીયા ગામે પ્રેમ પ્રકરણમાં સગી દિકરીને મોતને ઘાટ ઉતારનાર પિતાની ધરપકડ
- ગોપાલ નમકીન અને જ્યોતિ સીએનસી સહિતની કંપનીઓના ‘લોક’ થયેલ શેરો આગામી 3 મહિનામાં બજારમાં ઠાલવાશે
- કોંગ્રેસને પડ્યા ઉપર પાટુ : ઇન્કમટેક્સે રૂ.1700 કરોડની ટેક્સની નોટિસ ફટકારી
- રાજકારણી કમ ગેંગસ્ટર મુખ્તાર અંસારીનું મોત : ઉત્તરપ્રદેશમાં કલમ 144 લાગુ
- હાઉસિંગ સોસાયટીના મકાનોની ટ્રાન્સફર ફી રૂ.50 હજારની મર્યાદામાં રખાય તેવી સંભાવના
- ઉનાળામાં રાગી ખાવાના અદ્ભુત સ્વાસ્થ્ય લાભો
- મોરબીમાં ગુજસીટોકના આરોપીઓ સામે દાખલારૂપ કાર્યવાહી : ધડાધડ 15 મિલકતો જપ્ત
- સાબરકાંઠામાં ભાજપનો ડખ્ખો જામ્યો: તમામ બેઠકો તાકિદે રદ