જસદણમાં રવિવારે વહેલી સવારે સ્મશાનની દાનપેટી ને તસ્ક્રએ નિશાન બનાવી એમાંથી રોકડ લઈ છું થઈ જતા આ અંગે જસદણ પોલીસને જાણ કરાતા પોલીસ ઘટનાસ્થળે આવી તપાસ હાથ ધરી હતી. જસદણના વિવેકાનંદ મોક્ષધામની અડીને આવેલ સ્મશાનની મેલડી માતાજીના મંદિરે રવિવારે સવારે એક તસ્કર દાનપેટી તોડી અને રકમ લઈ ફરાર થઈ ગયાની ઘટના સીસી ટીવી ફૂટેજમાં ધ્યાને આવી હતી આ ઘટના રવિવારે વહેલી સવારે ૫.૪૫ કલાકેના સુમારે બનેલ હતી ત્યારબાદ મંદિરનાં સંચાલકો ને દાનપેટી તૂટેલી જણાતા તેઓએ પોલીસ મથકે જાણ કરતા જસદણ પોલીસ ઘટના સ્થળે પહોચી અને સીસીટીવી ફૂટેજના આધારે તસ્કરની ભાળ મેળવવા કવાયત હાથ ધરી છે. દાન પેટીમાં કેટલી રોકડ હતી તે હજુ જાણવા મળેલ નથી.
