રાજકોટનો સીસીટીવી કેમેરા પ્રોજેક્ટ હાસ્યાસ્પદ મોરબી જિલ્લામાં અનેક નિર્દોષ વાહનચાલકો દંડાયા
રાજકોટને સ્માર્ટ સીટી બનાવવાની દિશામાં હળ રાજકોટ પોલીસ દ્વારા સીસીટીવી કેમેરા પ્રોજેક્ટ કાર્યરત છે અને ટ્રાફિકનિયમોનો ભંગ કરનાર વાહનચાલકોને ઈ ચલણ ઘરે પહોંચાડાય છે જોકે ઈ-ચલણ પ્રોજેક્ટમાં છબરડા જોવા મળ્યા છે અને માળિયાના એક વાહનચાલકને ચાર વખત ખોટો મેમો મોકલાયો છે
માળિયાના રહેવાસીને રાજકોટ ટ્રાફિક પોલીસ દ્વાર પ્રથમ ઈ ચલણ ૨૬-૦૧-૧૯ ના રોજ મળ્યા બાદ ફેબ્રુઆરી માસમાં અને માર્ચ માસમાં સહીત કુલ ચાર ઈ ચલણ તેમને મળ્યા છે જોકે ઈ ચલણ જનરેટ થવામાં છબરડા વાળવામાં આવ્યા છે કારણકે માળીયાના વાહનચાલકના જણાવ્યા અનુસાર ઈ ચલણ સાથે જે ફોટો જોડવામાં આવ્યો છે તે કોઈ મહિલા એકટીવા ચલાવી રહી છે અને જે નંબર તેના સ્કૂટરમાં છે તે જ નંબર અરજદારના સાઈન મોટરસાયકલનો નંબર છે વધુમાં અરજદારે જણાવ્યું છે કે તેને આજદિન સુધી તેનું મોટરસાયકલ સાઈન કોઈ દિવસ રાજકોટ લઈને ગયા નથી છતાં ઈ ચલણ તેના નામે મોકલવામાં આવ્યા છે
જેથી આ મામલે કમાંડ એન્ડ કંટ્રોલ સેન્ટર, પોલીસ કમિશ્નર કચેરી, રાજકોટને લેખિત રજૂઆત કરીને આ મામલે યોગ્ય કરવાની માંગ કરી છે તો રાજકોટ શહેરમાં સીસીટીવી કેમેરા મૂકી દેવામાં આવ્યા છે અને ઈ ચલણ જનરેટ કરીને કાયદાનો ભંગ કરનાર સામે કાર્યવાહી કરવામા આવી રહી છે જોકે ઈ ચલણમાં ભારે છબરડા પણ પ્રકાશમાં આવી રહ્યા છે જે અંગે તંત્ર દ્વારા યોગ્ય કાર્યવાહી થવી જોઈએ અને નિર્દોષ વાહનચાલકો ના દંડાય તેની તકેદારી રાખવી જરૂરી બને છે.
