શહેરની શાન ગણાતો ત્રિકોણબાગ વિસ્તાર છેલ્લા ઘણા સમયથી તંત્રની લાપરવાહીનાં કારણે અસામાજીક તત્વોનો અડ્ડો બની ગયો છે. લુખ્ખા તત્વો અહીં પડીયા પાથર્યા રહે છે. ત્રિકોણબાગ ખાતે સબ ભૂમિ ગોપાલ કી સમજી દ્વારકાધીશનાં નામે એક ચાનાં થડાવાળાએ દબાણ ખડકી દીધું હતું. આ અંગે ‘અબતક’ મિડીયાએ મહાપાલિકાનાં સંબંધિત અધિકારીઓનું ધ્યાન દોડતા તંત્ર સફાળું જાગ્યું હતું અને ગણતરીની મિનિટોમાં જ ત્રિકોણબાગમાં ગેરકાયદે ખડકી દેવામાં આવેલા દબાણને જમીન દોસ્ત કરી દેવામાં આવ્યું હતું.
