ઇંતજારનો અંત: 16મીથી મહારસિકરણ અભિયાન હાથ ધરાશે

કોરોના મહામારીથી છુટકારા માટેના ઇન્તજારનો અંત નજીકમાં છે આગામી તારીખ 16 જાન્યુઆરીથી વિશ્વમાં સૌથી મોટું રસીકરણ અભિયાન ભારતમાં હાથ ધરવામાં આવશે. વડાપ્રધાન નરેન્દ્ર મોદીએ શનિવારે દેશમાં કોરોનાની સ્થિતિ અને રસીકરણ માટેની તૈયારીઓ અંગે ઉચ્ચ સ્તરીય બેઠક યોજી હતી. આ સાથે કેન્દ્ર સરકારે દેશમાં કોરોના રસીકરણ શરૂ કરવાની તારીખની જાહેરાત કરી હતી. દેશમાં કોરોના રસીકરણ અભિયાન 16 જાન્યુઆરીથી શરૂ થશે.

લોહિરી, મકરસંક્રાંતિ, પોંગલ, માઘા બિહુ જેવા તહેવારોને ધ્યાનમાં રાખીને 16 જાન્યુઆરીથી રસીકરણ શરૂ કરવાનો નિર્ણય લેવામાં આવ્યો હતો 11 જાન્યુઆરીએ પીએમ મોદી તમામ રાજ્યોના મુખ્યમંત્રીઓ સાથે બેઠક પણ કરવા જઇ રહ્યા છે.

પ્રથમ ચરણમાં લગભગ 30 મિલિયન આરોગ્ય કર્મચારીઓ અને ફ્રન્ટલાઈન કામદારો રસીકરણ કરવામાં આવશે. આ પછી, 50 વર્ષથી ઉપરના લોકોને રસી આપવામાં આવશે, જેઓ પહેલેથી જ કોઈ ગંભીર રોગથી પીડિત છે તેવા લોકોને પણ અગ્રતા આપવામાં આવશે.

વડાપ્રધાન નરેન્દ્ર મોદીએ શનિવારે તમામ રાજ્યો અને કેન્દ્રશાસિત પ્રદેશોમાં રસીકરણ સજ્જતા અને કોરોના સ્થિતિની સમીક્ષા કરવા માટે એક ઉચ્ચ-સ્તરની બેઠકની સમીક્ષા કરી હતી. આ બેઠકમાં કેબિનેટ સચિવ, વડા પ્રધાનના મુખ્ય સચિવ, આરોગ્ય સચિવ અને અન્ય ઉચ્ચ અધિકારીઓ હાજર રહ્યા હતા.

કોરોના મહામારીનો વ્યાપ વધે નહિ તે માટે રસી મહત્વપુર્ણ ભૂમિકા ભજવશે. જોકે, રસી અંગે હજુ મોટાભાગના લોકોમાં અસમંજસ જોવા મળી રહી છે. સરકાર દ્વારા અત્યાર સુધીમાં સત્તાવાર બે રસીને મંજૂરી આપવામાં આવી છે. હવે સરકાર રસિકરણ અભિયાન દરમિયાન ત્રીજી રસી પણ મેદાનમાં ઉતારશે તેવી શકયતા પણ છે.

Loading...