રાજકોટ શહેરના કોરોના હોટસ્પોટ વિસ્તારમાં જાનના જોખમે ફરજ નિભાવતા પોલીસ મિત્રો અને સફાઈ કર્મચારીઓની સુરક્ષા માટે ઈશિતા ચોટલીયા, ગૌરવ અજાગીયા, આદિત્ય ભટ્ટ અને નૈમિષ ખારા નામના ચાર યુવાનોએ ’ફંડ ફોર કોરોના વોરીયર્સ’ ઉભું કરી તેમાંથી ૫૦૦ બોટલ સેનીટાઈઝર અને ૧૫૦૦ માસ્ક ખરીદી કરીને આ તમામ સામગ્રી રાજકોટ શહેરના ડી.સી.પી. ઝોન-૨ મનોહરસિંહજી જાડેજાને વિતરણ માટે પહોંચાડી હતી. આ કાર્યમાં વિનોદ ભાનુશાળી, આર..કે યુનિ. અને ઈરવા હેલ્થકેરનો સહકાર મળ્યો હતો. આ તકે ચારેય યુવાનોએ કોરોના વોરીયર્સ તેમજ મદદગારોનો આભાર વ્યક્ત કર્યો હતો.
