ગૌચરની જમીન પર ખડકાયેલા દબાણ સામે પ્રાંત અધિકારી જે.કે.જેગોડાની કાર્યવાહી: ૪ ઓરડી અને એક વંડો દૂર કરાયો
વાવડીમાં ગૌચરની જમીનમાં કરવામાં આવેલા દબાણને આજે હટાવવામાં આવ્યું હતુ પ્રાંત અધિકારી જે.કે. જેગોડાના માર્ગદર્શન ૩.૪૯ એકરમાં કરાયેલા આ દબાણ પર ડિમોલીશન હાથ ધરીને ચાર ઓરડી અને એક વંડો દૂર કરવામાં આવ્યો હોવાનું જાણવા મળ્યું છે.
રાજકોટ તાલુકાના વાવડી ગામે સર્વે નં. ૬ની ૩.૪૯ એકર ગૌચરની જમીન પર કરવામાં આવેલા દબાણ સામે પ્રાંત અધિકારી જે.કે. જેગોડાએ કાર્યવાહી હાથ ધરી હતી. જેમાં આ ગૌચરની જમીન ઉપરની ૪ ઓરડી અને એક વંડો હટાવી દેવામાં આવ્યો હતો. આ તકે અધિકારીઓએ પોલીસ બંદોબસ્ત પણ સાથે રાખ્યો હતો. ડિમોલીશનની સમગ્ર પ્રક્રિયા શાંતિ પૂર્ણ માહોલમાં પૂર્ણ થઈ હતી.
