રાષ્ટ્રીય કામધેનુ આયોગના અઘ્યક્ષ ડો. વલ્લભભાઇ કથીરીયાની અભયભાઇ ભારદ્વાજ સાથે શુભેચ્છા મુલાકાત

પૂર્વ કેન્દ્રીય મંત્રી અને રાષ્ટ્રીય કામધેનું આયોગના અઘ્યક્ષ ડો. વલ્લભભાઇ કથીરીયાએ અભયભાઇ ભારદ્વાજ અને અલ્કાબેન અભયભાઇ ભારદ્વાજ સાથે શુભેચ્છા મુલાકાત કરી હતી. આ તકે ડો. કથીરીયા તથા કાંતાબેન કથીરીયાએ ગાયના ગોબરમાંથી બનાવેલ ઇકો- ફ્રેન્ડલી શ્રી ગણેશજીની પ્રતિમાથી અભયભાઇ ભારદ્વાજનું અભિવદાન કર્યુ હતું. ઉલ્લેખનીય છે કે, હાલના જ મા. પ્રધાનમંત્રી નરેન્દ્રભાઇ મોદીએ તેમના મન કી બાત કાર્યક્રમની શ્રૃંખલામાં આગામી ગણેશોત્સવ અને અન્ય પર્વોની શુભકામનાઓ પાઠવવાની સાથે આ વર્ષે પર્યાવરણ રક્ષા અર્થે ઇકો ફેન્ડલી ગણેશજીની પ્રતિમાનું ગણેશોત્સવ દરમ્યાન સ્થાપન કરવા અંગે દેશની જનતાને આહવાન કર્યુ છે. મોદીજીના આ આહવાનને સ્વકારી રાષ્ટ્રીય કામધેનું આયોગે આ વર્ષે ગોમય ગોબરથી બનાવેલી ગણેશજીની પ્રતિમાના સ્થાપન પુજન માટે અભિયાનરુપે જનતા જર્નાદન સમક્ષ અનુરોધ કર્યો છે.

રાજયસભાના સાંસદ અભયભાઇ ભારદ્વાજે પર્યાવરણ રક્ષા અને ગૌરક્ષાના આ પરમ સત્કાર્ય અંગે અંતરની પ્રસન્નતા વ્યકત કરી હતી અને આ અંગે પોતાના તમામ સહકારની કટીબઘ્ધતા વ્યકત કરી હતી.

Loading...