ડિજિટલાઈઝેશનના જમાનામાં ઘણી મુશ્કેલીઓનો અંત આવી ગયો છે. ઝડપથી અનુકૂળ સ્થિતિમાં વ્યવહારો થવા લાગ્યા છે. પરંતુ ડિજિટલાઈઝેશનની કેટલીક નકારાત્મક અસર પણ છે. જેમાં ડેટા ચોરી થવા અથવા તો એકાઉન્ટ હેક થવા જેવી નકારાત્મક અસરોનો ભોગ લોકો બનતા હોય છે .આવી સ્થિતિમાં સોશિયલ માધ્યમોનો સમજી પારખીને ઉપયોગ કરવો હિતાવહ છે. એવા ઘણા કિસ્સા સામે આવ્યા છે, જેમાં વ્યક્તિના ડેટા લીક થઈ ગયા હોય અથવા તો એકાઉન્ટર હેક થયા હોય. માટે વોટ્સએપ જેવા માધ્યમમાં હેકિંગથી કેવી રીતે બચવું તે સમજવું જરૂરી છે.
જો તમે વોટ્સઅપ વેબ ખોલી નથી અને તમે અહીં લોગ ઇન જોયું છે, તો પછી સમજો કે કોઈએ તમારી ચેટ્સ વાંચી છે. સૌ પ્રથમ તો તરત જ તેને લોગ આઉટ કરો. ગૂગલ પ્લે સ્ટોર પર ઘણી એપ્સ છે જે વોટ્સએપની આ સુવિધાનો લાભ લે છે. આ એપ્સ દ્વારા તમારા વોટ્સએપને એક્સેસ કરશે અને તમને ખબર પણ નહીં પડે.
જો કે, આ માટે હુમલાખોરને ટાર્ગેટના ઉપકરણનો ફીઝીકલ ઉપયોગ કરવો પડે છે. સામાન્ય રીતે, લોકો થોડી મિનિટો માટે એકબીજાને મોબાઇલ આપવામાં અચકાતા નથી, પરંતુ કેટલીક વખત આવી બેદરકારી જોખમમાં મૂકી દે છે.
ઘરના જ ઘાતકી
વોટ્સએપને જાસૂસ કરવાની બીજી સરળ રીત એ છે કે ઘણી વખત હુમલો કરનારા ટાર્ગેટના ફોનને એક્સેસ કરે છે. હુમલો કરનાર અહીં કોઈપણ હોઈ શકે છે, તે તમારો અંગત પણ હોઈ શકે છે. ખોટા ઇરાદાથી તમારો ફોન લઈને, તમે તમારા ઇમેઇલમાં સીધા જ ચેટ્સ એક્સપોર્ટ કરી શકે છે. જે માટે કેટલીક સેકન્ડ જ લાગશે.
વોટ્સએપ ઓટીપી સ્કેમ
આ કૌભાંડ તાજેતરમાં જ સામે આવ્યું છે, પરંતુ હુમલાખોરો ઘણા સમયથી તેનો ઉપયોગ કરતા આવ્યા છે. ખરેખર, આ કૌભાંડ હેઠળ, હુમલાખોરો ઇમરજન્સી છે તેવું જણાવે છે. અને તમારા મોબાઈલમાં આવેલો otp માંગે છે કહે છે અને તમારા ફોન પર પ્રાપ્ત ઓટીપી પૂછે છે. તમને ખ્યાલ પણ નથી રહેતો કે, આ ઓટીપી તમારા વોટ્સએપનું છે, જેનાથી તેઓ એક્સેસ કરવાનો પ્રયાસ કરી રહ્યાં છે. જેવો તમે otp આપશો ત્યારે તરત જ તમારું વોટ્સએપ એકાઉન્ટ હેક થઈ જશે.
આ ઉપરાંત હેકારો કેટલાક સ્પાઈ સોફ્ટવેરનો ઉપયોગ કરે છે. આવા સોફ્ટવેરને સામાન્ય લોકોને મળતા નથી.
